بالفيديو / بية الزردي: “عملت بوتوكس و معادش نعمل”


بية الزردي

 

تحدثت الاعلامية والكرونيكوز بية الزردي  في برنامج فاميليا مع إيمان السكوحي وهذا أهم ما صرحت به:

أهم حاجة إنك تحب روحك ومتصالحة مع نفسك وتحمد ربي على كل شيء

الإذاعة والتلفزة مش جمال جسدي فقط .. وإنما الروح المزيانة لي تطغى

كنت ديما نقول كلمتي .. لكن قبل ماكانش فما برامج تتجرأ تحكي فيهم بكل صراحة

المشهد الإعلامي تبدل مش تطور .. والأخلاق ماعادش موجودة

مانيش إنسانة منظبطة ومانيش parfaite ، أنا إنسانة بلبازة ونعيش في فوضى ، لكن ننصح الناس إنهم يشربوا برشا ماء ينظف البدن مليح

أنا نكره الماء ، أما نغصب على روحي خاطر لازمني نشرب

التدخين دمار للبدن ، وعلى قد ما تنجم إمشي

فطور الصباح أهم وجبة .. وأنا ناكل وجبة واحدة في النهار ونتعشى بكري

مش الناس الكل عندهم تجاعيد .. فما ناس قشرتها ما تعملش مهما كبرت .. وهو وراثي

عملت بوتوكس وماعادش نعمل ، فما تغيير يصير

أختي هي لي تختار معايا لبستي وساعات تمشي وحدها تختارلي بش نلبس

في أول ما رجعت للتلفزة ، شفت التعليقات صدمتني كيفاش الشعب التونسي وصل للمستوى هذا وخممت بش نبعد خاطر ميدان يقتل

اليوم المرأة المزيانة ديما يلوجو على سلبياتها .. وعندها مشاكل مع العباد .. فما حسد وحقد من جهتهم ليها

غلطت غلطة عمري كيف تزوجت في عمر 26 وبعدت على التلفزة أما رجعت وأنا أقوى من قبل ماعاد يؤثر فيا شيء

إللي صار بين مريم الدباغ وسوسن المصمودي حاجة تعمل العار للمرأة كيف مفما رجال يعملو العار للرجال

البلاد مشات والأخلاق مشات وأنا نرفوزية برشا .. أما ردات فعلي مهما نكون متغششة ديما تطغى عليها أخلاقي وتربيتي .. والحشمة وتقدير الكبار

    مادام القانون مش مطبق والدولة مسيبة.. بش تبقى هكا البلاد



اضافة تعليق