تمرّ الممثلة التونسية منال عبد القوي، مؤخّرا، بأزمة صحية استوجبت نقلها الى المصحّة صباح اليوم لإجراء عملية استئصال ورم من الرحم.وقد نشر صديقها المقرب كلمات مؤثرة جدا تزامنا مع إجرائها للعملية، وقال :منال ، منولتي ، اختي و عشيرتي و صاحبتي و حْبيبتي ، المرة هذي نعرف الامتحان صعيب ، و اصعب مالامتحانات الي تعداو الكل ، نعرف الي كنت في كل امتحان تتعدى بيه ، تعارك الدنيا ، تفك الفرحة من جواجي التعب و المرض ، تتخابط مع الوجايع و تغلبهم ، ستانست بيك قوية كيما الضحكة الي في وجهك ، قوية كيما الورد الي يغلب الريح باش ما يتكسرش و يقعد شامح … ليوم صحيح العملية صعيبة ، استئصال ورم من الرحم ، أما موش صعيبة على قلبك الحي الي لكلو محبة للحياة ، موش صعيبة على احلامك الي باش تخليك تقاوم و تفك بلاصتك كي العادة في المسارح ، موش صعيبة على ايمانك بربي الكبير و ثيقتك فيه …. موش صعيبة على هالضحكة العزيزة في وجهك و الي باش تخليك كي العادة …. تعارك و تربح … باذن الله باش تربح …منولة ، نعرف ماكش تسمع فيا و انت في بيت العملية اما متأكد قلبك حاسس بلي نقلك فيه ، منولة … نستنى فيك
الفيديو :

       

إضافة تعليق