مهذّب الرميلي :”عندي لحظات إبداعية مع عائشة بن أحمد.. وهذا سبب خروجها من مسلسل “حرقة” (فيديو)



مهذّب الرميلي :”عندي لحظات إبداعية مع عائشة بن أحمد.. وهذا سبب خروجها من مسلسل “حرقة”

 

تحدّث الممثل مهذب الرميلي خلال استضافته في برنامج خميس عليك على قناة تونسنا عن  مسلسل “حرقة” وعن خلافاته  مع الممثلة عائشة بن أحمد وعن سبب خروجها من المسلسل و قال :

” “للاسف عايشة بن أحمد خرجت من الجزء الثاني من مسلسل حرقة لاسباب يبدو أنها انتاجية تعنيها هي .. زميلتي كانت في الجزء الأول تشاركنا لحظات إبداعية و هذا الي يهمني بالاساس.. و كان بالامكان انو نتشاركوها بأكثر عمق في الجزء الثاني و أكتفي بالحديث عن الممثلة و ليس عن الشخص”

كما تحدث بخصوص مشاركة الوجوه الشابة و الجديدة في الأعمال الدرامية :

 “أنا مانيش إقصائي و مانيش ضد الممثلين الي مش من الاختصاص لأنه يوجد في النهر ما لا يوجد في البحر لكن كأنو في فترة ما تقلبت الٱية و اصبح الممثل المسرحي هو الاستثناء في الدراما التلفزية و هذا هو الخطأ و مانيش نحكي بالضرورة على الممثل الاكاديمي نحكي على الممثل المسرحي المتكون و العارف و الفترة الأخيرة عايشين مقولة مغلوطة الي التلفزة شي و المسرح شي و هذا مش صحيح ، صحيح تختلف في جزئيات تقنية فقط لكن التمثيل هو التمثيل ما ثماش ممثل إختصاص مسرح و لاخر إختصاص سينما و لاخر إختصاص تلفزة و أنا مع اعطاء الاولوية للمسرحيين الي يبدو لي انهم قدمو إضافة للتلفزة و أنا ادعو المخرجين نقلهم زورو المسارح ولا تخافو المسرح ما يخوفش فقط تتفرجو و تخرجو لاباس لعل في المسرح تشوفو حاجات أخرى و تفتحو نوافذ أخرى و هذا ما ينفيش الي الباب لازم يقعد محلول لأنو ثما طاقات و مواهب ما اسعفهاش الحظ بش تعمل مسرح لكن اذا بداو و يحبو يكملو في الميدان هذا ادعوهم لخوض تجارب مسرحية”



اضافة تعليق