بالفيديو / “Klay Bbj” يردّ :”هذا أحلى حكم سمعته.. وديما رابحين خاطرنا ماناش أحنا إلي ظالمين”


بالفيديو / “Klay Bbj” يردّ :”هذا أحلى حكم سمعته.. وديما رابحين خاطرنا ماناش أحنا إلي ظالمين”
 
 

كشف المحامي، أحمد بن حسانة، اليوم الخميس 2 جوان 2022، خلال مداخلته عبر الهاتف في برنامج ”الدوامة”، على إذاعة إي أف أم، أن محكمة الاستئناف بتونس أصدرت اليوم حكما يقضي بسجن فنان الراب ”كلاي بي بي جي”، 3 أشهر مع تأجيل التنفيذ وتغريمه بمبلغ قدره 20 ألف دينار من أجل الإساءة إلى الإعلامية بية الزردي في أغنيته.
وتعليقا على ذلك نشر محامي “كلاي بي بي جي” منير بن صالحة تدوينة يوضح فيها للرأي العام وهذا ما جاء فيها :”مع احترامي لزميلي لكن ما هكذا ننشر الاخبار و كأن الحكم صدر اليوم أو كانه نصر جديد ؛
توضيح الرأي العام ؛
هذي القضية القديمة الي عندها عامين و توقف فيها كلاي في السجن و ترافعنا عليه و خرجناه و صدر حكم ابتدائي سرسي معناها تأجيل التنفيذ .
 
الحكم هذا الي صدر ما عجبش بية الزردي و ما عجبش وكيل الجمهورية و الزوز استينفو الحكم هذا و بية الزردي عن طريق نوابها بالمحكمة قالت كلاي يلزم يتحبس و هذي جناية و يلزم يتحكم ب10 سنين حبس و قالت موش معقول ياخذ كلاي سرسي ، ياخي عاودنا حضرنا مع كلاي من جديد قدام محكمة الاستئناف و ترافعنا عليه ياخي محكمة الاستئناف بتونس حكمت بالاقرار يعني خلات الحكم متع السرسي الي ما عجبهمش كيف ما هو و انتهت القضية .
كيف نحكيو الحكاية بالطريقة هذي نوليو نفهمو شكون الي ربح القضية و شكون الي خسر..”
 
كما نشر كلاي بي بي جي تدوينة على حسابه الخاص يعلق فيها على ذلك الحكم قال فيها :”أحلى خبر سمعته من عام 2019
وديما رابحين خاطرنا ماناش أحنا إلي ظالمين..
Campione campioooone olé olé oléé “
 
 
 


اضافة تعليق